إعلان
|
||||
لحظة من فضلك!
أهلا بكم
مشاريع 
هدية في القسم الأول من الليل راجع أخطاءك .. وفي القسم الأخير راجع أخطاء سواك إذا ظلّ لك قسم أخير ! الفعاليات القادمة
استطلاع الرأي إلى أي مدى تعتبر أنّ الدراسة النظريّة للطبّ في كليتنا ستخدمك سريرياً في المستقبل؟ أعتبر أنّ الفائدة معدومة في ظل النظام التدريسيّ الحالي. 28% الفائدة كبيرة جداً، وهي أساس التميز العملي. 6% الأمر نسبي، يختلف من طالب لآخر، ومن مادة لأخرى. 67% عدد الأصوات: 239 أهلاً بك ! تفضل الإبحار |
هل سهّل الشكل الجديد لحكيم عليك تصفح الموقع؟ |
|||
السلام عليكم ...
اول شي الله يعطيكم العافية جماعة الدعم التقني على الجهود الي عم تبذلوها لتطوير حكيم وجعله افضل
وفعلاً صار تصفح حكيم اسرع من قبل ...
بس عندي ملاحظتين صغار :
1- حجم الصفحة صار اصغر وغير مألوف ... يعني جوانب الصفحة كلها فاضية وبيضا ... بتوقع قبل كان افضل
2- لاحظت انو صار حجم الصفحة بالمنتدى بس 10 ردود مقارنة بـ30 قبل ... طبعاً هادا الشي بيساعد وبيسرع التصفح بشكل ملحوظ
بس شو ذنبنا نحنا جماعة الـ ADSL نضل كل شوي نكبس زر الصفحة الي بعدها ... لذلك بقترح متل مافي بأغلب المنتديات ... يصير خيار بالتصفح ... كم رد بدك بالموضوع ؟؟؟ 10 - 20 - 30 - 50 ؟؟!!
3- هادا ما الو دخل بالتطويرات الجديدة ... بس شيء اتمنى ان اراه في حكيم قريباً ... ليش مافي تعديل على الرد !! .. بكتير من الاوقات عم يصير خطأ لغوي بالرد وبدنا نعدلو ما بنلاقي طريقة غير اضافة رد جديد عن القديم
... فبتوقع اضافة زر تعديل او حذف بيحل مشكلة كبيرة ...
وشكراً ،،
3- هادا ما الو دخل بالتطويرات الجديدة ... بس شيء اتمنى ان اراه في حكيم قريباً ... ليش مافي تعديل على الرد !! .. بكتير من الاوقات عم يصير خطأ لغوي بالرد وبدنا نعدلو ما بنلاقي طريقة غير اضافة رد جديد عن القديم
... فبتوقع اضافة زر تعديل او حذف بيحل مشكلة كبيرة ...
وشكراً ،،
نعم الشكل هكذا مريح أكثر للنظر و مريح في التصفح.
أكثر تنظيما و أعتقد سيكون أكثر فعالية بكثير لكن يحتاج الأعضاء بعض الوقت ليتعودوا عليه، ربما سيكون من الأفضل لو أجل هذا الاستفتاء أسبوعا.
لو بإمكاننا تعديل عدد الردود في الموضوع بشكل شخصي سيكون هذا أفضل.
و كذلك تعديل الردود مع أني أعرف وجهة نظر الإدارة و لكن مسايرة للجمهور.
لكن بشكل عام الموقع ممتاز في التصفح و الترتيب و الشكل العام.
بقي علينا زيادة الناتج العلمي.
والله يعطيكم العافية ..
Great
viva KMG
بس لاشوف بخبركم....
انا انتبهت في شي غريب بس ما عرفت شو....
يمكن لساتني نايم!!!
مابعرف
يعني بشكل عام لو فايت على موقع جديد علي وكان فيه هالtheme
كنت بقول عليه كتير حلو
بس حكيم كان شكلو القديم كتير جميل خصوصي انو كان بكامل الصفحة
وتعدد الخيارات....
وفي شغلة كتير مهمة مالاقيتها بالشريط اللي على اليمين اللي هي البحث هي من الشغلات المهمة كتير اللي ماعادت موجودة بالشريط على يمين الموقع
آخ وأنا عم اتصفح هلق
كتير زعجني انو الموقع ماعاد بكامل الشاشة (معلش بدي قول مرة تانية)
يشعرني بعدم الارتياح والاستفزاز أحياناً
شباب بتوقع الشغلة شغلة تعويد يعني:
لما تبدل الثيم الماضي حسينا باختلاف كللي بحكيم وشفنا أنو حكيم الماضي أحلى...
لهيك أسبوع زمان بتوقع الكل يتقبل هاد الثيم ويتعود عليه.
فالانسان عدو ما يجهل
حكيم كان "عملي" أكتر بكتير من هلأ .
أكيد الله يعطيكون العافية بس معلش أنا ملخبطة شوي والله ما عرفت وين المنتديات وهالشغلات ما بعرف يمكن أنا لسا ما تصفحت الموقع ممنيح حدا يساعدني ويقلي وينهم:raz
في ميزة كتير هامة بتصغير الصفحة الرئيسية
الزوار اللي بيفوتو عالموقع ما عم يقدرو يستوعبو هالحجم الكبير وتعدد الأقسام الموجود على الصفحة الرئيسية
يعني بمعنى آخر ما رح يقدرو يحصوا الأقسام الكبيرة الموجودة عالصفحة
بس هيك صار في تصنيف أريح بكتير للنظر على الأقل
بس بيصفى امر هوة الجوانب البيضاء الفارغة اللي على طرفي صفحة الموقع
هي ما فهمت ليش !
بس بتوقع ميزة البحث عم تتطور
لن أصوت اليوم !
مازلت بحاجة لمزيد من الوقت.
لا تتسرعوا بالحكم...خدو وقتكم...
الله يعطيكن العافية ....
بس
وياريت كمان ترجعوا شريط البحث والهدايا ....
هي باعتبرها من أعظم الخطوات اللي صارت.
التقسيم موجود بالأصل وهالشي ملاحظ: مثلاً القسم العلمي معروف أنه كيان منفرد وفيه أعضاء خاصين، والقسم الصحفي نفس الشي .....
بس طريقة العرض كانت مختلطة.
التقسيم بـ "طريقة العرض" كمان باعتقد أنه سيساعد كثير بتحسين المحتوى، العلمي أو الصحفي ...
صار الموضوع واضح وكل واحد بيوصل للي بده ياه بسهولة.
فعلياً صار كل قسم موقع بذاته، والواحد ضمن الموقع المواحد فينه يتفتل بالمواقع اللي بده ياها.
- تعالوا نتخيل واحد من مصر وبده يفوت على موقعنا القديم؟ خلال يومين لح يطفش، لأن الكلام الأكبر متوجه نجو الكلية وشجونها.
بس حالياً ممكن يفوت على القسم العلمي فقط، والأكثر أنه ممكن يكون من فريق القسم العلمي فيفيد ويستفيد من غير ما يحس حاله من مكان ثاني.
- بالتأكيد حكيم ليس بناء عملاق، هو نتاج كم صغير من العقول، وبالتأكيد زود الله هذه الكلية بعقول كثيرة، الآن بات بإمكانها المساعدة لأنها تعلم تقسيم الموقع.
مثلاً، من يدخل الآن صفحة القسم العلمي، سيعلم تقسيمها وتصنيفاتها، وقد يكون لديه شيء جديد يقترحه، أو تطوير لقسم قديم ليبدو بحلة أو فائدة أكبر، أو قد يقترح المساعدة في قسم يجيده.
(( بالطريق، نريد القيام بتعديلات في القسم العلمي، من لديه اقتراحات فهو مرحب به)).
أرحب مرة ثانية بهالخطوة، وإن شاء الله منشوف تقدم بكل النواحي.
انا صوتت لا
هداك الشكل كنت لاقي كل شي بدي ياه عالصفحة الرئيسية هلأ بدي اقعد دور عالشي اللي بدي ياه
بالنسبة إلي أنا حبيت الشكل الجديد أكتر
حتى منظم أكتر ... وأحلى شي إنو التصفح صار أسرع....
بعتقد إنو إذا تأجل الاستفتاء أسبوع واحد بس ..بيكونوا غالبية الأعضاء تعودوا على الشكل الجديد ونسوا القديم وبيبطلوا يقارنوا بينهم...
شكراً على الاستجابة.....والله يعطيكم العافية....
هداك الشكل كنت لاقي كل شي بدي ياه عالصفحة الرئيسية هلأ بدي اقعد دور عالشي اللي بدي ياه
أنا بتوقع لو كنت أول مره بفوت على حكيم ولاقيتوا هيك مارح آخد فكرة شامله عنه ، اما بالأول كنت تفوت وتلاقي حالات سريرية ودرر طبية وصور وتعليق عليها عم تتغير كل شوي ، فأنا من رأيي إنو يكون على الرئيسية من كل واد زهرة أو من كل بحر قطرة أحسن
بالنسبة لي لا أحب أي تغيير على حكيم . فكل تغيير ( بغض النظر كان للأفضل أو الأسوأ ) يضيعني ويجعلني أتوه .وأستغرق أشهر حتى أستطيع التعود عليه والوصول إلى الصفحات التي أرغب بها .
على كل حال جزاكم الله خيراً ، ولكن الألوان باهتة وهناك كثير من الأمور غير واضحة .
يمكن يكون الشكل الجديد أحسن .. يمكن أنا لسا ما تعودت عليه
بس مبدئبا ..
ما حبيته
بظن انو الشكل الجديد أكتر من ممتاز..
لأنو عم يعرض حكيم العلمي بطريقة حلوة أكتر مما كان..
بالنسبة للمنتديات العامة.. تأثرت سلباً..
هيك شفت..
أنا متأكد إنو نص العالم حطوا (لا ) عالتصويت قبل ما يشوفوا الموقع منيح ، دائما هوايتنا تحطيم معنويات اللي تعبوا على شي و إعطاؤن إحساس(الله لا يعطيكن العافية فوق تعبكن)
اليوم حتى صوتت !!!
صوتت بنعم.
بس مبدئبا ..
ما حبيته
اليوم .. و بعد ما جربت الشكل الجديد صار فيي قول بكل ثقة:
الشكل الجدبد أحلى بكتبر .. بس أبدا ما سهل عليي تصفح الموقع .. و انما على العكس تماما
والله ماني فهمان شي
ليش ما بقى يطلع "الأعضاء المتواجدون حاليا"؟؟؟
لأ صراحة هاد أرتب و أسرع بكتير...اللي قبل كان عن جد يجلط...يعطيكن العافية
شكرا كتييييييير لجهودكم
الشكل الجديد أحلا بس الشكل الماضي أريح كتير للاستخدام
وكنت وصل للبدي ياه بسرعة أكتر
لهيك صوتت لا
بس الشكل ما تطور هالتطور الهائل و ما حسيت بفرق كبير أول ما فتحت الصفحة , لماذا لا تتم إضافة بعد الــ MODS لدعم الموقع و أهم شي يتعدل كود الــRedirect لتحويل الكاتب إلى صفحة الرد الأخير و ليس اعادته إلى بداية الموضوع ...بس سواء الجديد أو القديم التصفح سهل و خفيف .