تعزاية في الشرق, عراضة في الغرب, وادروس إن كنت شاطر !!

هههه
عنجد الله يعينك،،
بس بصراحة، طريقة سردك لما حدث، و الأحداث نفسها جعلتني أضحك بشدة...
الله يجزيك الخير استراحة مرتبة من هم التشريح المرضي ...
شدي الهمة و موفقة ..

الصراحة هاد أكتر شي ضحكني... بس الله يعينك... كلنا بالهوا سوا!!!

تاريني مو لوحدي بحب الجيران كتير، عن جد السكنة بالبنايات للجنان بس المشكلة الشام كلها بنايات
دائما الواحد بحس حريتو مأسورة ومو عارف يعيش

ان شالله بيموتو كل جيرانا وكل جيرانكون يلي ما بتحبوهون ...بس بدون تعزاية!

اسمحيلي اضحك
هههههههههههههههههه

شكلك عم تكتبي كوميديا مو مأساة

ما الك غير تتجهي بشي اتجاه مو معروف و تبقي تمشي لحتى ما تسمعي شي و تبسطي و تفرشي المحاضرات

هي ضريبة العيشة بالبنايات و بين الشوارع الزحمة

أنا من الهدا عنجد صار ببالي التكش بجيرانا

يالله بتهون

يعني بالفعل ما شاء الله حولك على طريقة هالكتابة والسرد

رائعة

والله بدك تضوعي إمكانياتك بهالكلية الجميلة

أحب هذه الطريقة في النقد والتذمر ، بتفشّ القلب بدون ما تحبط ..
موفقة ..

خليها بالقلب لأنه اذا انفلتت هلأ ما بيلتقى مين يضبني ..

اذا أنت عمال بلدية أنا الشبيبة عم يحفروا بير قدام البيت تماماً والله وكيلك من السبعة الصبح للوحدة بالليل سحبة وحده ..

بكملها جارنا الكريم مع مرته كل يوم بيتعالقوا للشيطان الرجيم وبينزلوا الجيران كلهم ليخلصوها من بين ايديه ..

كمان بنت جارتنا خزيت العين تطرقها لساتها بالمتوسطة مدري ابتدائي وبتحط المسجلة على "أنا مش أنانية أنانية أنانية .. أنا عايزك ليّ لوحدي" تضربي انت والأناني تبعوتك وعلب الكولا كمان .. بتجي فترة القيلولة .. بيجوا الأأولاد يلعبوا بجنينة الوحدة واسمعي مسبات أنا ما سمعتها غير لما دخلت عالجامعة ..

بقدّر معاناتك وبتمنالك التأقلم

الحمد لله الله يرضى على جيراني مابسمعلهن صوت ميتين الا شوي ...

بس ماتكمل عالبني آدم حاكم بيتي شارع عام وقدامي مطاعم الدنيا وهلأ اجا الصيف وبلشت الاعراس والعراضات وطبعاً مسجلات الشباب هاد شي مفروغ منه .....

لهيك نزلتي على الجامعة

يش ما عم يصير معك حالة تعود
يعني كل المنبهات عندك مزعجة تترافق بالتحسيس

الدنيا بدون أصواتها مو حلوة
حطي بأدنيك السماعات وكل شي بهون
موفقة

الموضوع كتير حلو ..

طبعا مو لأنك "مفرقعة" طول النهار ..

بس المهم ..

شو صار بالأذيات الخلوية ...؟؟

مع أنو أنا طابق 12

و طابقي الحمد لله في شقة وحدة مسكونة والتانية عم تنتفض !!!

بس أكثر من يزعجني هوة أصوات الولاد بالشارع اللي بقدرة قادر عم يقدرو يوصلوا للطابق 12 !!!!

يعني بحياتي ما سمعت هيك أصوات

على
اوعـــــا أوعـــــي .. اوعــــا أوعــــــي

وييييييييي
وي وي وي وي وي

وا وي وا وي

من هالدباجة كذا نغمة

هاه !! خليني ساكتة

من شوي طلعت من غرفة الكراكيب ببيت جدي

ما عاد في الي محل ادرس

بالبيت جيراننا عم ينفضوا

بالكلية ما بحب

بالبيت اللي استأجرته ما عم يخليني بابا لاني لحالي

احسن الدراسة بغرفة الكراكيب و الله !!

من شان الله لا تشكولي ببكيلكم
بدل البناية 3 عم بنفضوا ناحنا و الشباب بيشتغلوا بالدور على مدار ل 24 ساعة
اما الولاد الصغار فحدث و لا حرج

و لعبتهم المفضلة مين بيصرخ أعلى و النهفة صوتهم ما بينبح ماشاء الله

ياجماعة القصة ما لازم ينسكت عليها و نحنا لازم نطالب بحقوق طالب الطب يعني يا الجامعة بتلاقيلنا سكن هاااااااااااااادي يا أما بيغرولنا هالمنهاج ولا شو???
نحنا الله وكيلكن ما بدنا من هالدنيا غير انو نلاقي مكان ندرس فيه بهدوء و الله الطلب كتيير برييئ و متواضع مو
صحيح بالمناسبة لبنى شو أوضاع الكهربا عندك ان شاء الله ما عم تنقطع الله لا يقدر طبعا
?لأنو عندي بس عم تنقطع من 1 -5 بسسسسسسسسس

هذا هو بالضبط الألم العبقري
و السلوان انو كلنا بالهوا سوا
يللا النا الله ما بينسانا

بالبيت اللي استأجرته ما عم يخليني بابا لاني لحالي

1-معناتو pearls-2 هادا أول حل تروحي لعند جيانا عل الشقة اللي أستأجرتها وتدرسو سوا.

2- ممكن وبصورة إسعافية تنزلي عل المكتبة.

3- ممكن تستناولي سطل مي( بس مو بارد ) ومتل ماهو عل روس جماعة دجججججججججججج

4- بإمكانك ببساطة تستسلمي للقضاء والقدر وتحذفي الأذيات الخلوية لأنو من الواضح أنو مالك نصيب تقريها..........

بس شو بدك بالحكي الله يعطيك ألف عافية عنجد حسيت كأني عم شوف المشهد قدامي بالذات مشهد العراضة "صلو على محمد مكحول العين واللي يعادينا صلوا عليه ..وأول مابدينا............"

أحسنتي ثابري إلى الأمام يابطلة.........:wink

ابن جيرانا شيطان صغير
بس كل ما لقيتو بالمدخل بقتلو
اليوم طققني قد ماعيط
طلعت عليه من الشباك وعيطت عليه اول مرة
مامشي الحال
تاني مرة
كمان مامشي الحال
تالت مرة
كمااااااااااان مامشي الحال
قام الوقح راح جاب عصابتو وصارو يلعبو طابة بالمدخل
قمت دقيت للدكنجي وقلتلو ابعتلي الشغيل تبعك
اجا الشغيل وعطيتو 100 ليرة كاااااااااااااااملة
وقلتلو بتكمش حمودة ابن جيرانا وبتعبيه بالحاوية تبع الزبالة
وبتقلو بيقلك عامر انو كل مالقاك عم تعيط او عم تلعب طابة بالمدخل بدو يعبيك بالزبالة
الشغيل ماكذب خبر
وانا هلق صرلي شي 9 ساعات من النعيم المتواصل
ماعاد سمعت لا صوت ابن جيرانا ولا صوت حدا من الولاد بالبنايات التانية
كلهم خافو يصير فيهم متل ماصار بحمودة

ما قدرت كملها من الضحك
بسيطة طولي بالك شوي أزمة وبتمر .....

فكرتك إنت يلي نزلتوا.... صحيح تذكرت إنت مو خرج

لأ يا اهبل
بس اكيد مارح اكمشو للولد قدام الحارة كلها وحطو بالحاوية
عيب شو بدهم يقولو عليي العالم ؟؟؟

شو هيرو
مبروك الشالوخ الجديد
قال بدك تنزل فيه عالجامعة يوم التشريح المرضي

لأ عامر هلأ صاير رشق، يعني خرج، قال صار 77 كيلو خزيت العين..

بعدين صاير عم يشتغل وعم يطلعلوا راتب وعم يتبحتر فيه على قتلة ابن الجيران..

لك هههههههههههههه و الله كفو يا عامر

قاهر الأولاد الصغار

شو شالوخ ما شالوخ........لا بدها حلوان

اي نسيت بدي حلونكم بمناسبة راتبي الاول

اي حيانو
قال شالوخ حوراني نمرة 55

إهيء إهيء إهيء ...
لهلق ماخلصوا...
والله جمجمتي انحفرت ووصلوا على الدماغ وهنن ماكانو يخلصو...

لا والله هي بالعاده المنطقة هدوءها قاتل, بس مدري شو صرلهن هداك اليوم...كل شي إجا سوا...

هيك شي,
مبارح حملت حالي ونزلت عالجامعه من كتر ما غاظوني, لأ وصاروا يذيعوا بالميكريفون: بعدو السيارت لو سمحتوا , حفريات حفريات ..!!
قام لملمت أغراضي قاصدة المكتبة راجية من الله أن يكون الحظ حليفي ,
لكن !!
الله وكيلكن شي أنو حطيت رجلي بالمكتبة ---> انقطعت الكهرباء

يالله شو عليه, العالم بدها توفر كهرباء, شنو بلش الصيف وبلشت المصاريف تكتر...

طوال الليل وأنا عم أهدس فيها ... وكوبس ... سببتلي أذية نفسية...

لا الحمد لله من هالناحية مافي هيك شي.....

شو جيانا ؟؟
بتستقبليني....

ولي هدول مابينعلق معهن, بخاف اسمعلي شي كلمة بعدين...

طبعاً ما حلوة...
شو بدهن يقولوا:
الدكتور عامر عم يحط الولاد بالزبالة,,,, هزلت ,,, دكاترة آخر زمن...

خلص حلوانك على عامر لأنو بعرف ليش اشتريتو ووين بدي حطّو
مو شايفو مبسوط وفاتح تمّو على الآخر
حاكم كتران حكيو لأبو الخشش بهليومين

بدي فش خلقي ، بدي أتفشش بأي حدا ، عنجد شعب إذاضرب الحذاء بوجهه صاح الحذاء بأي ذنب أضرب ، عنجد الحذاء يبكي ويصيح ، ويقول لااااااااااا ، يا لهذه الإهانة يا قوم ، الحذاء يهان بوجهوهم ، مبارح واحد من الحمير ، بده يعمل موسم تزاوج ، جمع القطيع تبعه ، ونحنا بمنطقة شعبية ، والناس كلها تواسع وباكالوريات وهو مو حاس بحدا ، وعملوا حلقات شيطانية ، ونزلوا دبك وزمر وفسق وفجور ، وحاطين بافلات كل بافل بيجي قد المابعرف شو ، ومعلين الصوت ، وجايبين المطرب رأس القطيع الله لا يورجيكن ، لا صوت ، ولا أغاني فجور مثل ما تعودنا ، وإنما أغاني فيها كلمات نابية ، وضلوا للساعة 11 بالليل ، لأ مو بس هيك بيجي الكرر( جمع كر وهو ابن الستميت الحمار) بيكون مو طالعلهن دور ، بيكملوا ، يعني معقول يا جماعة البلدية تسمح بهيك أمور ، عراس بنص الشارع ، صوت بيوصل لأبعد مدى ، ليش عنا كل شي بيمشي بخمسميت ليرة ، وليش المنيح ما بيمشي بأموال الدني كلها ، ليش هيك ، فوق ما أنا ماكل هوى ، كمان عراس وأكل هوى ، لازم الواحد ياكل هوى من جميع الجهات والاتجاهات والوجهات والتوجيهات ، شي بيفقع ، شي بيطقق ، شي بيخلي الواحد يكره عيشته وحياته و؟؟؟؟؟ ، قرف ، يعني قلة بواكي يروحوا يعملوا فيها المسخرة تبعهن ، لا حول ولا قوة إلا بالله

عصب أبو الفضل

لله ياpearls-2 شو الدنيا سايبة ولا الشغلة فلتانة ......

وراك كل شباب حكيم ولا شو يارجال.........

أنت زتي السطل وشوفي مأرجلني بالهريبة.........

ولو يا بيرلز 2 هادا نوركم هو يلي طفا الكهربا