شو بتنصحو طلاب المعلوماتية

قلبوا طب بشري بجامعة دمشق:
آلام المناهج بتنسّيكم الآلام الفيزيائيّة!

بتذكر مرة الدكتور بستاج العينية قلنا أنو لازم أي شخص بيشتغل عالكمبيوتر كتير تنصحوه أنو كل تلت ساعة شغل عالكمبيوتر لازم يرتاح مقابيلها تلت ساعة ( بس مو يرتاح من الدراسة طبعاً , يعني يدرس بس مو عالكمبيوتر ) ولازم يحاول يرف بعيونه عن قصد لأنو كتير أوقات لما نركز بشغلة منصير ما منرف بعيونا ..

و بين كل فترة وفترة لازم يحاول الشخص أنو يطّلع لبعيــــــد ...

موفقين ..

والله عن جد نحنا بنظلم كتير يعني يلي بيشتغل وبيتعب على المادة احتمال بنسبة 60% انو يروح تعبو على الأرض ويامى صايرة مع كتير طلاب بيحملو المادة مو عن قلة دراسة بس عن قلة حظ
ومع ذلك في كتير ناس بيصحلها فروح طب وصيدلة انا صحي كل شي عدا الطب بالشام بس مع ذلك ققرت فوت هالفرع الله يعين بس والله فرع حلو كتير رغم صعوبتو وشكرا لكل مين عم بيشاركنا

انا سمعت أنه الواحد لازم كل فتره يشيل عيونه عن الشاشة شي 10 ثواني..
لك دخيلك قال يعني بالله بتسموه فرع معلوماتية الي عنا بيطلع الواحد يلاه يعمل برنامج

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
ooo

شوف يا صديقي
أنا نفس الشي بحني ضهري أنا وعم أدرس لأني طويل والحمد لله
بس مدربي بنادي الحديد لما شافني صار حتبلش عندي متل حنية نزلني على كم آلة لتجليس الظهر
والحمد لله ما عاد عانيت من وجع الظهر على الرغم من أني بدرس مازلت بنفس الطريقة بالعكس جلس ظهري بس الفكرة أني مابقطع النادي أبداً حتى وقت الامتحانات إن شاء الله لو مرة بالأسبوع لحتى أقل شي تتحرك عضلاتي
ولا حدا يقول وقت ما وقت من ضيع وقت كتير ما فرقت على هالساعة

بنصح طلاب المعلوماتية
انو يدرسو معلوماتية
مو قبالة قانونية بالرقة
سلام

يعني بصراحة انا حاسس انو ما حدا معبر هالفرع بنوب
بس تعا لقلكم والله الكلية عنا اصعب بكتير من الطب بكتير نواحي وهو صحي الفرع مو زيادة بس بجد الطلاب عنا متميزين ولا تفكرو انو نحنا ناقصين عنكم برجل او بيد والله الكلية عنا متميزة ومالح قول عن دفعتي بس في طلاب من هديك السنة كانو مجمعين 255 وما فوق بالبكالوريا وفاتو معلوماتية النقاش لح يطول كتير وان شاء الله بكسكم اصدقاء إلي وعن جد شكرا أعسر وGreen Wave و Dr.Hiba على مشاركاتكم

بالعكس المعلوماتية بصعوبة الطب إذا ما أصعب

أنا أختي سنة تالتة معلوماتية وعم شوف قديش عم تتعذب

لما بشوف محاضراتها بحمد ياربي
كلو خوارزميات وبرامج وشي بيجنن,عالقليلة نحن محاضراتنا كلام عربي مفهوم

وغير هيك الاسئلة بالمعلوماتية ما بتعتمد عالمحاضرة ومابيعطوهم علامات متل الخلق

انا بشوف انو عنا كل الكليات صعبة مابيتخرج الطالب الا لتطلع عيونه بالطول وبالعرض

شرفت الموقع سيد wazzz
و الله يقويكن يا رب...

أهلين بشباب المعلوماتية

قبل ما تقول أنو الطلاب عندكم علاماتهم عالية بالبكلوريا بحب قلك أنو نحنا بدفعتنا في حوالي 650 طالب و طالبة وحتى كنا بالأولى أكتر من 700
لمعلواتك ومعلومات السامعين 289 طالب وطالبة فقط لا غير هم المقبولون بشكل نظامي و 25 موازي ...... فيك تقول في حوالي 60 طالب رسوب من الدفعة يلي قبلنا (نسبة النجاح العام عنا دائما فوق ال90%).

أي بالمحصلة نص الطلاب يلي حضرتك شايفهم هون ....... براني .... شلون ما بعرف ولا أنا ولا غيري بيسترجي يعرف ..... وما شا الله كلو بالأخير بيقلك أنا شاطر وكنت من العشرة الأوائل.

بقا يا معلم لا تزعل على هالكلية .... ولا تظن أنو حدى من البشر أذكى منك إذا جاب علامة أكتر منك بالبكلوريا لأنو ما في اثنين بختلفوا على أنها مو مقياس بنوب.

مشان مشكلة الألم الظهري وحرقة العيون (سلامة عيونك يا عيني) فوصلت وما إلك غير الدكتور أبو عزيز...

1 . متل ما قالت الدكتورة إنت لما بتقعد مفابل شاشة الكمبيوتر يكون الضرر بشكل أساسي من قلة رفيف الأجفان و ذلك أن الدماغ عند التركيز يرسل إشارة ليثبط هذا المنعكس (حتى ما ينقطع جنزير أفكارو برفة العيون) لذلك من نصحك بالاستراحة كل نصف ساعة انما اراد لك ان تستعيد تواتر الرفيف الطبيعي. وأيضاً حل الرفيف عن قصد يحقق نفس الغاية المرجوة وهي إعادة تشكيل طبقة الدمع التي تمنع تخريش العين.

هلق من أبو عزيز خود هالدوا ..... بتنزل عالصيدلي وبتقلوا يعطيك قطرة دمع صناعي (حي الله وحدة بيمشي حالها) وإذا بدك مشان ما تتلبك كتوب عندك هالإسم
Tearmond
هي القطرة عبارة عن مي و غليسرين ومادتين تانيات للسلب .... بس ظريفة بتنغنشلك عينك كل ما بتحرقك بتقطر قطرة بكل عين و بتدعيلي.
على فكرة الهدف منها إنك لحالك حتصير ترف عينك أكتر و إنت مو حاسس بسبب وجود الدمع.

2 . مشان ظهرك الحل ابسط مما تتصور
استجيب لما يأمرك به ظهرك فهو أدرى منك بما يحتاجه.

بيجوز تفكرني عم إجدبا ...... بس بتعرف أنو هي خلاصة عملوا كتير أبحاث لوصلولها ...

كيف يعني؟؟؟؟

يعني الكلام يلي بتقولوا الأنسة للطلاب أن جلسو ظهركم
و يلي بيحكو الأساتذة عندك بمخابر الكمبيوتر وبيحكوا المديرين لموظفينهم
ويلي كنا نسمعوا ليل نهار على كل التلفزيونات كلو مسخرا

حتى أكتر من هيك قال العالم يلي بيضلوا قفا المكتب ساعات طويلة وهنين مجلسين ظهرون أكثر عرضة للألم الظهري و الديسك
لأنو كل فقرة بهذه الحالة ستحمل كل الوزن يلي فوقها على نقطة ارتكاز واحدة دون تغيير لفترة طويلة.
طبعاً الحل مو انك تعوج ظهرك تلات اربع طعجات ..... أعوذ بالله .... بتتشوه بعدين.
بدي ياك كل ما تحس حالك مدايق من قعدتك تغيرها . يعني مثلاً تحط مخدة أو تشيل مخدة أو تغير كرسي أو تتربع عالكرسي أو تلف رجل على رجل ..... بشرط ما تاخد أي من الوضعيات السلبقة كحالة دائمة وإلا بترجع لنفس المشكلة ويمكن أمر و أدق رقبة.

يمكن كمان هي ما فاتت بمخك كتير وبدك راشيتا سريعة من الدكتور أبو عزيز.....
أخي بتنزل عالحريقة أو سقبا أو أي بياع كراسي مكاتب وبتاخد كرسي بحركات (كل ما كترتون بيكون أحسن) مثلا حركة مشان تقدم و تأخر السندة , حركة مشان تطول وتقصر المقعد , حركة مشان تغير الزاوية بين المقعد و السندة .....
وإنت قاعد عم تدرس كل ما تمل لحالك بتصير بتلعب بالحركات وبتغير جلستك كل شوي والتاني

إذا بدك خود
Ibubrofen 400 m
بشكل مؤقت لتسكين الألم ولكن حصراً بعد الأكل مباشرة

على كل حال إذا ما مشي الحال بعد كل هالشي (بعد شي تلات شهور) بتروح بتتصور صورتين بتقلوا وحدة أمامية خلفية ووحدة جانبية لعمودك الفقري وبتبعتلي ياها عالخاص (شلون ما بعرف ... ما إنت معلوماتتية على أساس )

أي سؤال تاني لا تتردد.

انا دكتورة العيون وصفتلي ياها نفسها
ظريفة كتير هالقطرة .

والله يا صاحبي ابو عزيز انا كتير ما بعرف شو بدي اشكرك لانك وضحتلي الأمور قريت الرد اكتر من 3 مرات لحتى زبطت كل الأمور بس المهم انو كلو مشي ولح حاول طبق كل الحكي يلي ذكرتو عن جد شكرا
انا اصلا روقت على ردك لانو احترافي واختصاصي وانا بحب هالنوع من الحديث صحي انا مسجل بال csc وحكيم هلق بس قلت لحالي اتعرف على شباب الطب الظراف

ولك أهلين وسيم
كيفك يازلمة؟
الله يرحم أيام "السعادة"

لك مية وردة باسل كيفك والله اشتقلتك كتير
يا زلمة والله شايف انو نص كلية الطب من السعادة بينما نحنا بس 2 مندوبين ساميين مثلنا السعادة بالمعلوماتية لك أحلى باسل وصاير عم بتكتب محاضرات الله يقويقك