كلماتٌ تناسيناها منذ زمن

من صفات التعريف المقبول أن يكون جامعاً لخصائص الشيء المراد تعريفه، مانعاً دخول غيره ضمنه.

أما الأشياء التي ذكرتها فلا يصح دعوتها بالتعاريف، لأنها لا تتعدى وجهة نظرة شخصية جداً، و فيها استغباء لعدد كبير من الناس.

ملاحظة صغيرة علي: فيك تصغرله مساحة التعليق لأنو عم ينزعلي المظهر تبع الصفحة، ييعني قلله عرضه.

التعاريف مثيرة للاهتمام وفيها الكثير من النقاط المحرضة للفكر....غير أنها تحمل الكثير من الاستهانة بأهم منجزات البشرية التي استطاعت تحويل أفكار المبدعين إلى ماديات وواقع ملموس : التنظيم والتوحيد البشري

عزيزي سايكو:كل تعريف مما ذكر أعلاه يحتاج إلى موضوع كامل لمناقشته وليس فقط السعادة،وأتمنى عليك البدء بهذه المناقشات بعد الامتحانات...

مثير للاهتمام....مفتقر للوقت
لنا عودة بعد الامتحان

إسمحلي بملاحظتين

أولا كلنا نعرف أن اللون الأبيض هواجتماع جميع الألوان ولايجوز علميا أن نقول ان الشئ الأبيض هو الشئ الذي لا لون له
فالماء مثلا لا لون له ولا نقول الماء أبيض

ثانيا الابتسامة تظهر من تعريفك كأنها اصطلاح بين البشر للتعبير عن السعادة
والحقيقة أنها تعبير عفوي وليس اصطلاحي نتعلمه إنما هو موجود في جيناتنا ودماغنا ويمكنك أن تفعله اراديا للمجاملة أو يحدث لاإراديا عندما تكون سعيدا حقا

عزيزي سايكو أكبر فيك دماغك المشتعل بالأفكار والمفكر دائماً والذي أتمنى له أن يصل لشيء فيه الخير لك ولجميع الناس.

سأدافع عن تعارفك خاصّة اللون الأبيض الذي عرّفته بقولك:

هو تعريف على الرغم من سذاجته إلا أن أغلبيتنا نعتمده في حياتنا غاضين الطرف عن تعريفه العلمي أنه مكون من 7 ألوان...
لذلك أوافقك عليه....

!!!!!
لا أوافقك على هذا التعريف وأتساءل اذا كنت أنت مقتنعاً أصلاً به.

ولنا عودة.....

رجاءً أستاذ psycho..
حاول التعبير عن أفكارك بطريقة مهذبة..
كلامك يقبل لو قلت أن الإيمان بالله هو أكثر فكرةٍ حصلت على اجماع البشر منذ الانسان الأول..
أما أن "تعرِّف" الله.. وتعرفه كفكرة!!! فهذا بعيد كل البعد عن المنطق والأدب...

ليست العبرة تبني فكرة واحدة أم لا المهم أن تكون الفكرة صحيحة ومنطقية و موثقة أم لا تكون كذلك

إذا عرفنا مصدرها وممن صدرت بالدليل الثابت الوثيق وهي كما أسلفت فكرة صحيحة واضحة منطقية فلم لا؟؟؟؟؟

عفوا علي ، بس المقارنة أو لنقل الجمع بين الحزب والدين بتعريف واحد غير مقبول وغلط ، واسمحلي أقلك أنت مخطئ ، أو إذا مو أنت فالتعريف خطأ ........

كمان مو غلط الجميع يتفق على فكرة وحدة كونها صحيحة 100 % ، مو غلط أبداً نجتمع على الحرية ، الله ، محمد رسول الله

بالتالي مش ضروري نطبق مبدأ خالف تعرف ، أو مبدأ المعاندة لحتى نظهر إنه نحنا عنا ديناميكية بعقلنا ، يعني لازم نعارض كل شي لحتى نصير شعب واعي مانو منقاد ورا فكرة وحدة ومتشتت بين مليون فكرة

يعني استفهام ؟؟

طبعا كون إنه الدين عقيدة واعتقاد واحد ، مانو طبخة لحتى تكون مرة مالحة ومرة حلوة ، يعني شي طبيعي يكون الدين انقياد اتجاه فكرة معينة ، وإلا ليه اسمها عقيدة ، عالفاضي يعني ؟؟؟

سمعت بحياتك عقيدة معينة مقسمة وموزعة ، بغض النظر عن كونها صحيحة أو لا

أنا حبيتهن كتير علي.. شكراً إلك ..

الأبيض:

هو لونٌ اعتدنا عند وصف شيءٍ به على أن يفهم الآخرون أن هذا الشيء لا لون له...

اللون الابيض ما الو طول موجة محدد معناها مو لون كالباقي الالوان

التعريف هو.....
مجموعة من الكلمات... نبذل جهدا كبيرا لنجدها..وجهدا أكبر لنضعها بجانب بعضها البعض...وجهدا أكبر من من مجموع السابقين لنجاهر بها..

نشعر بالغرابة والذكاء حين ننطقها للمرة الأولى..
بالسعادة حين ننطقها للمرة الثانية ..
برغبة جامحة للتمرد عليها حين ننطقها للمرة الثالثة !!

نخلقها..دون أن ندرك أننا لا نفعل شيئا سوى إضافة أشياءجديدة لنتمرد عليها في المستقبل.....................
........................

إي روقنا معلم عمادو... شو الظاهر أنو الطفيليات كاينة مأثرة عليك..

على كلٍ يا أخي شو هالإحراج.. ضروري كلشي يكون منطقي حتى نقبله؟؟؟

إي ابلعولنا هالكم كلمة.. قلة كلام اقتنع الكثيرون به و هو ليس منطقي؟؟؟

المهم أنا شايفن حلوين.. و أشكر كل من علّق...

ملاحظة لعرعورنا الحلو...

أنا ما عم قول أنو المقالة ذم... بالعكس أنا أرى طريقة التطور هذه طبيعية جداً... دخيلك أحسن من كتير شغلات تانية... بس طبعاً بيضل في أحسن منها...

تكرم عينك... أنا لح أرجع أعمل للموضوع كلو UP بأول العطلة.. في آراء جدية بدي أسمعا.. تكنو و ووريور و ليو و هيرو و هورايزونز و الكل..

شكراً لكل اللي مروا (خصوصاً اللي عجبتن )... )و اللي ما عجبتن (...

BioLord ، alfarok ، Nuby ، abood-kh ، رغيف العجيب...

ليو ، ووريور ، أنسا (طبعاً الاسم مو الفعل ، هيرو و جيانا... و المعلم عمادو..

Psycho

بس ملاحظة.. كنت بعدني عم أكتب الرد لما كتبتي ردك...

تماماً.. حتى هذا الموضوع برأيي هو مقبول جداً... التطور ثم التطور ثم التطور... الذي لن ينتهي...

أما عن الاجهار بها... فأنا لا أقول يوماً أنا أفكاري صحيحة... لعله لا شيء صحيح...

لكن أقول أن من حقي أن أجاهر بما أفكر به كما يجاهر الكثيرون بما يفكرون...

شكراً.. ردك مميز...

مو إنه ما عجبتني ، بس اللي ما عجبني هو إنك تشمل الدين والحزب بتعريف واحد ، هلق تعريفك عن الدين هو الإتجاه نحو فكرة وحدة غلط لأنه الدين مانو فكرة ، هو شي منزل من السماء مفروض على الجميع ، ولكن منهم من كفر ومنهم من آمن بالحق واليقين ، أما الحزب ، فهو مصلحة سياسية بتتبدل من يوم لثاني ، مانا ثابتة ، الأحزاب بتروح وبتجي ، ومثل ما قلت هي مصلحة مؤقتة ووجودها مؤقت ومصدرها بشري ، وتصنع لمسايرة الواقع والظروف الحالية ، أما الدين فهو صالح لكل زمان ومكان ، طبعا في أديان أثبتت جدارتها بإنها صالحة لكل الأمور والأزمنة

بس بتعرف وين الغلط يا سيد علي ، وما بعرف بصراحة إذا اجت معك عفوية ولا لأ ، ويا ريت الشباب يعطوني رأيهن كمان بالشغلة التالية :
خلية عصبية ، أنت أكيد طالب طب معنا ، وبتعرف شو يعني خلية عصبية ، هي نوعا ما أقل وحدة من وحدات العقل ، فهل يعني هالشي إنه اللي بيؤمنوا بدين وفكرة وحدة وبيتركوا باقي الأفكار ، هنن خلايا عصبية ما وصلت لدرجة العقل ، يعني مجرد خلية عصبية عم تستقبل وتنقل أفكار بدون عقلانية أو تفكير ؟؟ ولازم لحتى ما يكونوا خلية عصبية يكونوا ناس مذبذبين ضايعيين ، تائهين ، يبحثون عن ما لن يصلوا إليه لحتى يكونوا عقل مش خلية عصبية ، ويستخدمون الفرضيات والتوقعات اللامصدرية ، والتي ليس لها أي أساس سوى الظن والإعتقاد ، الفكرة هي إنه في علم وفي عقل ، العلم أعلى من العقل ، العلم هو شي قائم بحد ذاته ، أماالعاقل فهو قاصر ، يخطئ ويصيب ، فمو لازم نمتثل للعلم بغض النظر عن عقلنا وأهوائنا ؟؟؟ ممكن تقلي إنهن متكاملين ، بس بقول يعني إذا واحد مجنون ما بيفكر عقله إنه غلط إنه ينتحر من الطابق الثالث ، بنقله معليش انتحر
أما إذا بدك تقلي إنه 14 مليار يعني عدد الدماغ ، ففي كثير من المواضيع على حكيم اللي أظهرت إنه في فرق بين الدماغ والعقل وكثير شباب دققوا على هالموضوع ، فكمان 14 مليار ، يعني دماغ ، يعني مش عقل ، وصدقني لو ما إنو في كثير مصطلحات كتبتها غير مصطلح الـ 14 ، واللي كلها اجتمعت وما بعتقد مصادفة اجتمعت بس للتقليل من قيمة بعض الأمور ، يعني لومصطلح كنا قلنا يمكن مو قصدو ، بس معليش عدة مصطلحات صارت بتعبر عن استخفافك بكثير من الأمور

أكيد تعريفك مو للعقيدة الدينية ، وإنما للعقيدة بشكل عام سواء سياسية أو وطنية ، ويمكن العقيدة الدينية خارجة عن إطار هالتعريف ، لأنه العقيدة معروف كيف بدأت ، العقيدة بدأت في نفس البشرية منذ أن خلق آدم ....... أما العقيدة الدينية قبل البشرية فهي منذ أول الأول ، أول كل شيء ، هي الله ،
قال تعالى ( هو الأول والآخر والظاهر والباطن وهو بكل شيء عليم )

أكيد حصلت على اجماع البشر ، لأنه اللي ما بيؤمنوا بالله عز وجل ، ما بعتقد إنهن بشر :

{وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ }الأعراف179

بس فكرة زغيرة إنه هي عقيدة ومصطلح فكرة غير مناسب ، لأنه الله موجود بالفرض ، مش موجود بالفكرة

بس سؤال عن سؤالك اللي ما بعرف مو مفهوم أبدا، 14 مليار ، شو 14 مليار ؟؟ يعني هالرقم على شو بيدل ؟؟؟ 14 مليار شو ؟؟؟

ما فهمت وما بعتقد حدا ثاني فهم

بقصد عدد خلايا الدماغ

اليوم أما محشش ، ضعت ، سؤالي آخر شي عن 14 مليار شو بيدل ، احذفه ، هيك يعني تضاربت المعلومات بدماغي ، خاصة إنه حاليا ما عم اشتغل إلا لعى فيوز واحد ما ضل عندي غيره ، يعني أكيد عن 14 مليار خلية بالدماغ

عفوا ابقى زورنا

عزيزي رغيف العجيب....

آسف منك أنا والله بودي رد على نقاشك بس والله فتت بالحيط..

ممكن ترجع تعدلي ياهن على رواق بصيغة منسقة لأفهم شي؟؟؟

المسألة واضحة ، مفرداتك ، مصطلحاتك ، 14 مليار خلية عصبية ، كلها ما بعرف كيف ؟؟

كمان ؟؟

تعريف العقيدة ؟؟؟ تفضل ذكرنا شو كان قبلها ؟؟ بما إنه نسينا أو تناسينا شو كان في قبلها ؟؟؟

مصطلح فكرة ؟؟؟ مسيء للغاية

Psycho أبداً ما فرض هالتعاريف علينا لنعتمد عليها بحياتنا ونعتبرها شي من المسلمات، فيك تعتبرها متل خاطرة أو قصيدة كتبها أحدنا وكان فيها وصف لمشاهد قد لا تعجبك أو ما تناسب ثقافتك، فبكل بساطة بتوقف عن قراءة الرواية..
ما في داعي أبداً نمسك أفكار Psycho وحدة وحدة ونبلش نفنّد فيهن!

المشكلة ليست في هذه التعاريف أو خواطر سايكو ، المشكلة بصراحة في سايكو نفسه ، الذي دائما يقصد أن يستهزء بألفاظ وعبارات على كل شيء يخص الدين ، يعني من خلال مواضيعه السابقة والحاضرة مثل موضوع شطافة الدرج على سبيل المثال ، كلها عم تدل على فكرته وشو بدو كمان ، لو واحد غيرو كنت قلت إنه شخص ضعيف لغويا وما بيعرف يستخدم المصطلحات بمكانها ، بس لما سايكو بالذات بينزلها ساعتا لازم ينعرف شو القصد من وراها ، وروح على موضوع شطافة الدرج 3 إذا بدك

أنا قرأت لهلأ كل شي نزلو سايكو على حكيم، وبقدر قلك إنو محترف بإيصال أفكارو بطريقة ما بتجرّح بالآخرين..
قد تكون هالأفكار على طرف نقيض تماماً مع فكرة إنت متبنيها، لكن هالفكرة اللي طرحها سايكو طُرحت بطريقة ما جرّحت ولا أهانت ولا كان فيها عبارات لاأخلاقيّة..

أنا حبيت كل شي نزّلو سايكو لهلأ، بما فيهن شطافة الدرج 1 و2 و3 كمان ..

GO ON PSYCHO !

بيحس الواحد أن الهدف هو الجدل وفقط، يعني لا قبلها عقل ولا منطق (باعتراف صاحب المشاركة) ومع ذلك بدنا نتناقش فيها ونضيع وقتنا وجهدنا.
أؤيد مقاطعة هكذا نمط من المواضيع الهدف منها مجرد التلطيش والتسميع -بعد بيان بطلانها طبعا بكم رد-، الجدل مو حلو.
ما بدنا يكون هدفنا الحكي لمجرد الحكي يا منطلع بنتيجة، يا أما بلاها، افتحوا موضوع ثاني نستفيد منه.

أي:

شكراً الفاروق، I.A، هورايزن ......

كلامك صحيح و على العين و الراس، بس لما تكون هيك مواضع مطروحة بمنتدى فالهدف منها هو طرحها للنقاش بين مجموع الأفراد، و بالتالي لا أستطيع الاكتفاء بمجرد القراءة، بل لا بد من التحليل و النقد و بيان الأخطاء، و لا مانع من تقصي الأهداف الخفية لطرح الموضوع، يعني القراءة السلبية يلي عم تدعولها أنت هي آخر شيء بدنا ياه بحكيم. و أي فكرة بنتطرح لازم يكون صاحبها مسؤول عنها بشكل كامل، و مستعد لتحمل أي نقد بيتوجه لهي الفكرة و يناقشه بدون عبارات متل : يلي مو عاجبه لا يقرأ. و إلا كان خلاها لحاله بيستمتع فيها بوقت فراغه. و سيكو لما طرح الموضوع بيعرف هالشيء، لهيك لازم يكون مستعد للنقاش.

مالي حابب فوت بخضم الموضوع كتير...
و يلي جذبني إلو هو عدد المشاركات فقط...
بس الموضوع ضايع بين سحاب الغموض و عدم الوضوح...
و قلت أنو هي من البديهيات يلي لازم نضل نتذكرها , و أنا وجدتها
أنها عبارة عن ترائيات شخصية لم تدرس بحذر...
مع فائق احترامي و تقديري pshycho ...