جاوب بصراحة ... ولاتخجل

برأي معظم العلاقات اللي بين طلاب الطب هي علاقات مصلحة وقليلة قليلة كتير العلاقات الصادقة يمكن بسبب التنافس اللي احيانا بيكون شريف واحيانا ....................؟
بس بيضل في صداقات نص عانص

أنا برأيي معظمها علاقات مصلحة بس معظم هالمعظم مصلحة شخصية بعيدة عن الدراسة والتنافس بغض النظر شريف أو لأ

أعتقد انها علاقة طق براغي و استكشاف اخطاء دونما اصلاحها. شواذ هذه القاعدة موجودون بالطبع

هاد بيرجع للالنا
إذا نحنا مصلحجين منكون صداقات لأجل المصلحة

أنا شخصيا لا مصلحة لي عند أي من طلاب الطب (معظمهم لا بحل ولا بيربط )
وأكره أن أكون علاقة على أساس مصلحة

قد اعتبر لئيم وغير اجتماعي وقد انعت بالمتكبر لأني لا اصادق إلا من يستحق الصداقة
أرى أن هناك صداقة حقيقية دوما ولكن نحن من نبتعد عنها

هلأ اكيد في رفقة حقيقية ومو عن مصلحة.. . لأنو اذا ماكان في ... فعلى الدنيا السلام!!!

للأسف يا جماعة ما عنا شي من هاد الحكي
أنتو يلي بعدكم صغار (يعني سنة أولى و ثانية)
لح تكتشفوا ها الشي بعدين مع الأيام,,,,,,,,,,,,
أنا هلق خلصت سنة سادسة ولح أحكي لكم قصة حقيقية (صارت معي):
لما كنت سنة أولى اعتقدت أنو عندي رفقات حقيقيين بها الكلية........
وبالسنة الثانية رفقاتي (بها الشلة الحقيقية طبعا)جابو علامات عالية بشكل غرييييييييب؟؟
ولما صرت سنة ثالثة (فصل ثاني!!!) اكتشفت أنو رفقاتي الحقيقيين كانوا جايبين سلايدات الدكتور بالسر ويلي أجت الأسئلة منها بس تقريبا.............
أنا ما دريت بشي طبعا
هاد عدا عن مراجعات التشريح ....................
يمكن أنا هيك كان حظي بهيك فئة و بهيك رفقات
بتمنا يكون بها الكلية ناس حلوين و أنا ما عرفتهم........

بصراحة أنا شفت هيك وشفت هيك ...

بس ليش ننظر على النص الفاضي ...

يعني بجد مر علي بهالكلية أشخاص ما في متلهم .. بحبوا الخير لغيرهم ... وبحبوا التعاون ...

بس أحيانا بدكم تعذروا الشخص إذا أخفى عليكم شيء لديه قد يفيدكم ...

لأنو إذا فتح هالباب بدو يصير يعطي هالشي لما لا يقل عن 500 طالب

___________

إلى من مر على توقيعي
الفاتحة على روح معلمي ومؤدبي وقدوتي والغالي على قلبي : جدي
ادعوا له بالرحمة والمغفرة والثبات عند السؤال

اكيد في علاقات طيبة واكبر من انو الواحد يعبر عنها

وفي علاقات فيها تكسير راااس

طبعا بالتأكيد يوجد النوعين ولكن إذا رجعنا للواقع نجد أن علاقات المصلحة هي الطاغية
وأقترح أن يكون موضوع النقاش هو كيف نبني علاقات أساسها المحبة والتعاون والمنفعة المشتركة للطرفين ؟

و الله هـَ الشي بيرجع للإنسان بذاتو:

لما تكون إنتا Pessimistic حيكونو الي حواليك Pessimistic، و حيساعدوك بحياتك برا بيتك.

كل انسان عبارة عن *مرآة* عن الي بيحيطو فيه..

فلا تطلبو الصحبة الجيدة، النافعة & البعيدة عن المصلحة.... الا إذا انتو قدمتو هلشي قبل ما يقدموه العالم لإلكم !!

وأنا ليس لي مصالح عند طلاب الطب بالنسبة لي لهم أيضا لا يحلون و لا يربطون، لكني وجدت فيهم أصدقاء أقرب من من في كليتي.

تمام، لكن أليس هذا الوضع في كل الكليات ؟؟
بلى فيها كلها، كلهم يتنافسون، و البعض بطرق غير شريفة، ألم تكن هذه الحال حتى أحيانا في المدرسة؟

المهم يا جماعة لاحقا في عياداتنا ماذا سيظل من هذا؟
و لا شيء، على فكرة كوننا بدأنا بعلاج المرضى في الكلية، بدأنا بالشعور أن رزقك كله معلق بالله، أحيانا تجد المريض يبحث عنك، و أحيانا تتفق مع شخص قريب منك كي يأتي إلى الكلية فيخذلك.
و هكذا الوضع سيكون لاحقا في عياداتنا، أنت كنت شريفا طول حياتك و ابق مع الله، تجد الله معك و لو تركك الخلق جميعا.

أنا برأيي من الصعب كتيرر إقامة صداقة مع طلاب الكلية شي مو شايف غير حالو:cool: و شي مو شايف غير دراستو وشي مو شايف هالدنيا غير بعض الولدنة

أنا برأيي من الصعب كتيرر إقامة صداقة مع طلاب الكلية شي مو شايف غير حالو:cool: و شي مو شايف غير دراستو وشي مو شايف هالدنيا غير بعض الولدنة

والله أنا بصراحة بوافق abooofaroook

يعني بأي شي بهالدنيا في شي منيح وشي قبيح

فليش لنضل نطلع عالنص الفاضي

ونزيد حالنا تشاؤم

يعني والله ماناقصنا

فخلونا نضل متفائلين ........

انا مافيني احكم قبل سنتين تلاتة يعني لحد هلأ ما في جواب,,ولساتني مقتصر على رفقات الحارة والمدرسة((طبعا الموجود منهم بكليتي))

بس بدي قول انو اذا مالقينا الصحبة الحقيقية بهيك كلية وين رح نلاقيها,,,

أنا صديقاتي كتير رائعين حتى أنو بحاولوا يساعدوني بأي شي حتى لو عحسابون كمثال : قبل فحص التشريح بكم يوم اعتزت شغله من رفيقتي والله ما كذبت خبر شرفت لعندي مع أنو مو ملحقه و بالنسبه للسلايدات أو الأسئله فما في شي بيوصلون الا و تكون نسختي جاهزه هلأ بجوز تقولولي هي صديقتك صارت نادرة بس بئلكون هنن 10صديقات و هنن كلون جداد فالحياه مليانه ناس مناح أكتر من الناس السيئين برأيي بس بدك مين يدور

والله أنا من رأي j.cole لأنو أنا كصفتي جايا من الخليج حاولت كون رفقات بس لهلا ما لقيت رفيق فينك تثق في وتعتبرو زي أخوك كلو همو حالو وبس والمشكلة الأكبر من هيك انو رفيقي الي اجامن الخليج معي وطلعلو طب طلعلو بحلب ولاأسف وهادا الرفيق الوحيد الي ممكن أوثق في

انا من جهتي مستعدة ساعد رفقاتي ...بس هنن عندون هالشي؟؟

لا لا حرام عليكم انتو هيك عم تظلموا طلاب الكلية كتير ..........

يعني مو من العدل اذا واحد منا الله بلاه بشلة ما بتحبلو الخير يععمم هالشي على الكل .....
بعدين يعني برجو تقولولي ليش بتخصوا طلاب الطب بهيك سؤال؟؟؟؟؟؟
ما علاقات المصلحة معبية الدنيا بكل محل مو بس عنا .........
وليش مننسى انو بكليتنا وبكل محل في عالم متل الدهب بس هيك نحنا دائما منطلع على السلبيات بس .... وبعدين لما الواحد بيختار اصدقاؤه بعناية بيتفادى كل هالمشاكل.

ما بذم وما بشكر الا بعد سنة و6 اشهر

هيك قالت دنيا بزمناتها

فلنشوف شو بيصير معي بعد سنة و6 اشهر وبردلكم خبر

باركولي,,,,انا بهالاسبوع لقيت صديق جديد وكفو,,,,
اذا خليت خربت,,,

من تجربتي: لا تكون واثقاً.

و الله بتعتمد عالشخص بحد ذاتو كيف بدو العلاقة

يعني بعد ست سنين بتكتشف انو كتير من العلاقات كانت مصلحة و طق براغي بس الدنيا ما بتخلى

يعني في كمان كتير علاقات حلوة و صادقة و هي بالىخر رح تطغى لأنو هدول هنن الرفقة الحقيقيين و اللي بتم علاقتك معهم منيحة

شو هالحكي ما وصلنا لتكسير الراس
العلاقات بين الطلاب بأي كلّية أكبر من إنو تكون علاقات مصلحة و بس
و بالعكس الطلاب عنا بالكلية متعاونين بشكل كبير يمكن ليحصلوا على أكبر فائدة علمية و هالشي بيقتضيه المجال يلي اختاروه (يعني برأيي وجود المصلحة ما بينفي وجود علاقات حقيقية)
و ع كل الأحوال رفقاتي بالكلية كتير حبابين وبصراحة (و أنا و الصراحة عشرة عمر )بيلتقوا
بقى هو الناس يلي كل واحد فيهن "أسألك نفسي" بيعبروا عن فئة أفقها محدود جداً
و مصيرهن يعرفوا إنو هالشي غلط و أكيد بالمستقبل رح يواجهوا هي المشكلة و وقتها ما رح يقدروا يرجعوا الزمن لورا و يعوضوا يلي خسروه..

انا طالب طب و حبيت هلسؤال على فكرة الصداقة نوعين مع الشباب ومع البنات
هلأ مع الشباب في انواع من العلاقة في علاقة مشان واحد يحس حاله احسن من غيره و في علاقة مشان واحد يقتدي بغيره و في علاقة لا هيك و لا هيك يعني صريحة
اما مع البنات كمان في انواع بس اكتريتها متل ما شفت انو الناس يحكوا عنه انو بيحكي مع بنات طبعا لا يخلو الأمر من بعض العلاقات الصحيحة بس عنا قليلة كتيركتير
اما علاقات البنات مع البنات او شو بيفكروا برفقة الشباب بصراحة ما بعرف

رأيي ببساطة أن نجاح أي علاقة يعتمد على عدة أمور ..

تحديد هدف كل منكما من العلاقة ، انسجام الطرفين ، الصراحة ، تنازل كلا الطرفين عند بعض المواقف و تقبل بعض العيوب التي لا يخلو منها انسان ..

لم أحدد كل هذه الأمور بشكل نهائي ..

و لكن ما أؤمن به هو أن كثير من العلاقات تفشل ، و ليس ذلك لأن أحد الطرفين سيء مثلا ، و لكنها تفشل للظروف التي ولدت فيها مثلا ، أو لتغير الظروف التي بدأت فيها ناجحة ، أو لعدم انسجام الطرفين ، أو لاختلاف الهدف عند كل من الطرفين من العلاقة .. أو .. أو ..

ليس "الصاحب الوفي" مستحيلا .. و لكن لن تحصل على ذاك الملاك الذي لا يعيبه عيب .. و لن تحصل عليه و أنت جالس بعيدا عن الناس .. و لن تحصل عليه و أن تظن بعدم وجوده ..

فائق احترامي

انا بصراحة من طول عمري صريح وبحب الصراحة و امي عودتني على الصراحة وكمان ابي عودني على الصراحة فلذلك انا صريح و بصرح وبأمر بالتصريح لأني بعشق الصراحة :
هلأ بيناتنا نحنا طلاب السنة الثانية مو في كم واحد جربان شايف حالو اه و مو في كم واحد عامللي حاله عنتر و هو أرنب بيخاف من بنت اه و مو في كم واحد عم يدخن و ما عم يعطينا سيجارة اه فلذلك انا برأيي نكافح هي الشكيلات