لا تقولوا

الدرب موصعب موصعب موصعب بإذن الله ....
شكراً ...

يا رب ..

هو صعب شوي بس نحنا لازم نكون قد الحمل مو هيك؟
وعلى كل حال منقول يا رب

بيني وبينك

عذب شوي

ماهيك

إن شاء الله ما حنقول ..
عملٌ بلا ملل.. جدٌّ بلا كلل..

يا رب

خلينا واقعيين الدرب صعب ونص كمان ..
والصحيح برأيي هو :

هيك ..
أماإزا بدنا نضحك على حالنا ونقول مو صعب ما بنوصل لنتيجة ..
التعامل مع الواقع بعقلانية وتذليل العقبات يبدأ من الفهم الصحيح الواعي للواقع البعيد عن المجاملات للنفس تحت شعارات براقة وهمية ..

اللهو العبثي ضرورة حيوانية ولا يمت للإنسانية بصلة.. أما اللهو العذب فهو ضرورة حياتية و حتمية بشرية , في وقته طبعا.

"قل اعملوا فسيرى الله عمبكم ورسوله والمؤمنون "
آمل أن تكون قد أدركت ما أعنيه Dr.Good ..

there is something difficult but there is nothing impossible

ما في شي بالدنيا مو صعب -كل واحد وحسب مقدرتوا!!!-:cool: بس المهم انو نكون بنعرف كيف نمشي بالطريق الصحيح وللنهاية! مو هيك؟  

يالله....... اشتهيت ينفتح شي موضوع او شي منتدى بدون نق وبدون خناقات ومشاكل

لك حتى الهدايا بدكن تتخانقوا عليها

صحي ما بحب فوت بهيك نقاشات بس حوضح معنى البيتين الواضح، مشان ما يعمل التباس عند البعض

لك يا أخي العبارة واضحة..
لما قلك نحن أرخصنا النفوسا شو قصدي قصدي أنو يلي جعل أغلى ما يملك رخيصاً بيقول عن شي صعب، لو شو ما كان يكون، هيك شخص الجبال ما بتوقف بوشو، مهما كلف الأمر ومهما كان الثمن باهظأ.

وكلامي هو تضمين للفكرة يلي ذكرها السيد الرئيس في كلمته بافتتاح احتفالة دمشق عاصمة للثقافة العربية وقت قال:
"أمامنا مهام شاقة وتحتاج الى زمن طويل..ومن يتصدى لصناعة تاريخه لا ينظر الى الوراء ولا يتشاءم من حجم المتاعب التي تعترض طريقه.. بل يتجه الى الامام واثق الخطا.. مهما كانت التضحيات ومهما كان الثمن باهظاً. فالاهداف العظيمة تحتاج الى نفوس عظيمة."

هاد ما بيعني أنو الدرب سهل، بس يلي حط هدف، أي هدف فبدو يستعد ليبذل الغالي والرخيص مشانو، وهيك شخص صدقني ما لح يشوف شي اسمو صعب

وبكل بساطة هدفي ذكر بأنو نحنا يلي عم نزعم أننا مستعدين نضحي بأرواحنا مشان قضية أمتنا، فمن باب أولى أنو نكون مستعدين للتضحية مشان دراستنا ومشان أي هدف نحنا حاطينو قد يكون قراءة كتاب بالصيفية، أو مشروع مهما كان صغير، وإلا فدعوانا باطلة وكلامنا حجة علينا، صح ولا لاء.

ما بلومك أخي محمد على كلامك، لأنك ما انتبهت لمعنى "اللهو".
لذلك كلامك صحيح ،نعم، بس مو بمحلو، لذلك بنصجك تراجع معنى اللهو، لتفهم معنى البيت منيح.

وكمان ببساطة قصدي كلامي موجه لناس عندهن هدف وعندهن قضية، منتسلى ومنروح عن أنفسنا، بس بضل قضيتنا أغلى من هيك بكتير، وما منساوم عليها بلهو الدنيا كله.

بتمنى كون وضحت المعنى، ونخلي نقاشنا بالمهم، مالي ضد النقاش بس مشان ما نفوت بشي أسمو جدال عقيم.

سلام

عفوا خالد .. حضرتك بتجتزأ الكلام اجتزاء يعني بتاخد جزء منو وبتعلق عليه .. وهادا هو الي بالواقع عم يخلي النقاشات عقيمة لأن والفكرة بتكون متكاملة وبتفقد معناها وسياقها العام المتكامل ..
يعني آسف على التشبيه بس حضرتك هيك عم تعمل متل :
شخص فتح القرآن وقرأ " يا أيها الذين آمنوا لا تقربوا الصلاة ... " وقال : الله أمرنا أنو مانصلي .. بدون مايكفي : " يا أيها الذين آمنوا لا تقريوا الصلاة وأنتم سكارى "
لأنو حضرتك قرأت الاقتباس التالي وعلقت عليه :

ونسيت تقرأ

بتمنى أنو مرة أخرى لاتقع في خطأ الاجتزاء ..

حضرتك عم تناقض نفسك بنفسك .. حضرتك عم تقول أن والدرب سهل وبالمقابل عم تقول أنو جبال .. في عاقل بقلك أنو تسلق الجبال ومواجهتها هو أمر سهل ؟؟؟؟؟؟؟؟؟؟؟؟!!!!!!!!!! ..أكيد لازم نعمل الغالي رخيص في سبيل المبدأ والهدف لأنو هاي حتمية تاريخية بالإضافة لكونها ضرورة إنسانية .. بس كيف إزا أوهمت نفسي أنو الدرب سهل بدي اجتازو وأنا غير مستعد لمواجهة الصعوبات .. لازم أستعد نفسيا وماديا وما أضحك على نفسي .. هاي مامشكلتك لوحدك هاي مشكلة عامة .. تسمية الأشياء بغير مسماها الصحيح ..
لما سقطت الـb52 أثناء الحرب على العراق .. لم تسقط ببندقية قديمة بيد فلاح بالقرب من بغداد كما روج الإعلام ..لمجرد أن الفلاح سما الطائرة بتسمية أخرى .. معقول b52 تسقط لمجرد تسمية بمسمى آخر.. وتبين بعدين كيف تم إسقاطها .. أكيد العقول تعاملت مع الواقع بإيجابية .. عرفت شو ال ـ B52 وشو الي بحطما ..

ومن قال أنو مافهمت معى اللهو الي بالبيت .. بالعكس أنا عم ثني على كلامك ببيت الشعر ..
انا أدركت معنى اللهو المقصود .. وأعتقد أنك وقعت مرة أخرى في خطأ الاجتزاء .. أنا قلت :

لاحظ قلت ضرورة مع كلمة حياتية وحتمية مع كلمة بشرية .. بتمنى تكون أيقنت ما أصبو إليه من معنى ..

كلامك أخي خالد يعني وأنا أعرف أنك لم تقصد ذلك ولكن المدقق سيرى : أنك بشكل غير مباشر تجرد العمل من بعده الأخلاقي ..ولو كان ممكناً أن نجرد العمل من بعده الأخلاقي لبات ممكناً فصل حكم القيمة عن حكم الواقع، ولرمينا جميع أحكام القيمة في سلة مهملات التاريخ الذي سيغدو حينئذ أقرب ما يكون إلى التاريخ الطبيعي "العلمي" إلى النهاية. و بالتالي تكون خلطت بطريقة أو بأخرى بين العلمي والموضوعي؛ ونسيت أو تناسيت أن العلمي مستغرق في الموضوعي ومستنفد فيه، والعكس غير صحيح، فأوهام البشر واقع موضوعي يفقأ العين ولكنه يبقى وهما .

يعني بدك أنو الناس ماتتناقش لتستفيد من بعضا ولتغير قناعتا ..
ماختلفنا أنو بعض النقاشات عم تصير غوغائية .. بسبب الاجتزاء خلص كل واحد يغني على ليلاه .. حضرتك طرحت وجهة نظر ونحنا ناقشناها .. ماكنت بعرف أنو حقوق النقاش بهل الأمور مجردين منا .. ولازم نبصم بالعشرة لكل مايقال ..
التعميم على عقم النقاشات مرفوض جملة وتفصيلا .. أنا من الأشخاص الي ناقشو بأماكن كتير واستفدت من هل النقاشات . لأانو أنا مهيأ حالي نفسيا إني ممكن كون مخطئ ولازم إتغير ولازم إسمع رأيي الآخر لأنو ممكن يكون احسن من رأيي واصح ..
أنا متأكد أنو الكل عم يطور لحتى يوصل لمفهوم الممارسة، البراكسيس، أي وحدة النظر . فالإنسان، كائن معرف بالعمل الواعي والهادف ..
على كل حال .. سأفعل هنا وفي هذا الموضع مافعله العزيز LEO مرار وتكرارا في مواضع أخرى ..

anyway شكرا خالد ..