{ح} {ك} {ي} {م} ... من أين أبدأ ؟ وكيف أنتهي ؟

بريتي فلاور....
دائماً بقرأ مواضيعك لما بيكون عامك الجديد بحكيم
لكن هالمرة....مختلف ..مختلف كتير ..ولهجته مختلفة....ونبرته مختلفة
ديري بالك على حالك...وتأكدي انو اخواتك معك دائماً....
إن شاء الله دايماً اسمك منور بحكيم..الله يعطيكي ليرضيكي...

بالبداية كل عام وأنت معنا بحكيم بألف خير .

شي جميل أنه شخص بيشعر بمشاعر غيرو بغيابو يعني ما أروع يقعد يدعيلوا ويمدحوا جواة قلبو ويقول والله هالشخص عنجد مميز ومو طبيعي لأنه للأسف بهالزمن الانسان الطيب والمخلص والرائع بيتهاجم وبينظلم دائماً بس اللي بكون ديب وماكر وعم يعرف ينفد حالو بكون شبّ "قد حالو"

من لما كنت سنة أولى وأقعد أقرأ مواضيع pretty flower بشعر بكل الأخلاق والأكابرية والاحترام متمثلة بشخصيتك الطيوبة.
بيكفي الخطوط والألوان والوجوه المعبرة اللي بمواضيعك المميزة بتخلينا نفوت دغري على أي موضوع لبريتي فلاور شو من كان مضمونه ..

وان شاء الله تحققي مشروعك الرائع "طبيبة متميزة" وبكرة بس نتخرج ونتذكر بعضنا وندخل نقرأ هالمواضيع أديش حنقعد نفكر ونضحك ويمكن نحكيها لأولادنا ..

الله يديم أخوتنا ويديم عليك صحتك وروحك وأخلاقك الطاهرة ..

والسلام عليكم ورحمة الله وبركاته ..

___________

يا ربي كن معهم انصرهم ولا تخذلهم ,, ياربي إنا مظلمون فانتصر

كل عام و إنت بخير ... كل الناس عندها عيد ميلاد واحد إلا أعضاء حكيم ... عندون عيد ميلاد عادي و عيد ميلاد حكماوي

تمر الأيام مسرعة لا أدري هل ستجلب لنا المزيد من السعادة أم المزيد من الحزن عندما تسرق منا أجمل الذكريات وتدعنا نتخبط في ظلمة المزيد من المسؤوليات في زمن مقرف
أخاف من المستقبل ...من ما بعد التخرج ...عندما أنطلق وحدي في طريق جديد ...قد ينسيني الشيء الجميل الوحيد الذي أعطتني اياه كلية الطب ...أنتم ...
اصدقائي إن نسيتكم يوماً فهذا ليس بنسيان وإنما انشغال فقط بأنانية تحقيق الذات ...لذلك لا تعتبوا وتذكروني بالدعاء وتاكدوا أن مكانكم القلب لا العقل الذي ينسى في غمرة أنانيته ...
كل عام وأنت بألف خير صديقتي ...أتمنى أن يكون قادمك أجمل ...
هنادي

بريتي اتأكدي انو مشوراك هلق بلش
وكل عام انتي وحكيم بألف خير.

___________

Im dreaming of white Christmas just like the ones we used to know
May ur days be merry and bright

ما فائدة القلم اذا لم يفتح فكرا
.. أو يضمد جرحا ...
...أو يرقأ دمعة ...
...أو يطهرقلبا...
.. أو يكشف زيفا ...
أو يبني صرحا يسعد الإنسان في ظلاله..

لقد جمعتي كل هذا بكلاماتك وكتاباتك واحيانا بصمتك

بارك الله لك عامك الجديد

وأعطاك حتى ارضاك فيما يرضيه

والله يا بريتي انتي من اكثر الاشخاص المحترمين ومن يلي بحرص على متابعة مشاركاتهم بحكيم ..
الله يسعدك دنيا وأخرة .. امين .

إييييه.. دنيا..

أيام مرقت.. أيام مختلفة.. متل اختلاف كتير من طباع هالبشر..
بس ما دام إلهم هدف واحد.. ما في شي ممكن يوقف بطريقهم..

PrEtTyFLoWeR..

بتتذكري مين عرفنا على بعض ..

والطريقة العجيبة اللي تعرفنا فيها على بعض ..

طيب.. أول شغلة تناقشنا فيها ..

ّّ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

.. أول يوم ميلاد حكيماوي إلك.. بتتذكري بعد يومين لما طلعتي من البيت شو لقيتي ..

.. تاني يوم ميلاد إلك ما كان بعيد.. كأنو كان مبارح.. ما بتتخيلي سعادتي وأنا عم شوف تعابير وجهك وإنت عم تقرئي الورقة..

وهاد التالت..

تجارب عشناها سوا.. بحلوها.. وبمرها.. (وعلى فكرة.. إنتي أكتر إنسانة عشت معها هالتنوع بالتجارب)..

كبرنا سوا.. وعينا سوا..
ضحكنا سوا.. وبكينا سوا..
تعبنا أيام.. وقوينا أيام..
وحنضل دائماً.. نشد على إيدين بعض.. بإذن الله..

ّّ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ّّّّّّّّّّّّّّ

كل اللي فيني قللك ياه هلأ..
إنك زينتي قلبي بنحت ذكراك الطيبة جواته..
واللي بتخليه يبعت مع كل نبضة إلو.. دعائي.. إلى من هو خير حافظاً.. وهو أرحم الراحمين..

وكل عام وإنتي.. يا أختي.. منورة حـــــــكـــــــ ee ـــــــم ..*

كل عام و إنتي بخير

كل سنه وانت بألف خير

سبحان الله عن جد الأيام كيف بتمر، بتذكر وقت حطيتي المشاركة تبع السنة إتمامك العام الأول، كنت لساتني جديدة عالموقع، ومرت الأيام...
بس ليش الابتعاد؟؟
صدقيني بريتي أنتي من الأعضاء يلي قدمتي للموقع وكنتي من المخلصين فعلا للموقع، وبمشاركاتك كنتي دائما مصدر تفاؤل وتسكين ألم وبعث أمل.
ان شاء الله الله يوفقك ويكتبلك الخير دائما بس ما تبعدي عن حكيم الله يرضى عليكي.

ًأتحفتنا بمشاركات راااائعة ... و سبحان الله دائماً بتكون بوقتها المناسب
نفخر بك عضوة مميزة في حكيم
كل عام وانتي بألف خير

الله يوفقك

كل عام وأنتِ بخير يا أحلى فلاور
بتعرفي أنك كنتِ من أل الناس اللي حبيتن بحكيم وحببوني بحكيم؟بظن بتعرفي..
الله يوفقك ويحميك وينولك مرادك

هابي بيرثداي بريتي ^ــ^

و عفواً علتأخير ...بس بتعرفي الظروف الي بتمنعني من الاستقبالات ..و خوفي على الي بدهن يتخرجوا هلسنة ...الله يكون معهن
و الله حاسة انو انا الي بدي اتخرج من كتر رعبتي عليهن
وان شاء الله منلتقي ...~
&
كل سنة وإنتي حكيماوية سالمة..*

مضى يوم و يومان ... و أسبوع .. و ستمضي أيام أُخَر !

لن أنسى فيها جميل الأثر الذي تركتموه في قلبي

حقاً ~ أنا عاجزة عن رد الجميل و لكن .......

الله يجبر بخاطركم ~

___________

هل يمكن -لطفا- أن تضعي اسمي في قائمة الذين تتذكريهم في الغيب،عندما يجاوبك جبريل ولك مثلها.
وفقك الله ، كنت من النسمات اللطيفة التي مرت علي في حياتي، وأتذكرها كلما أحسست بالحر.

بريتي فلاور .. هلأ أنا مابعرف اذا كنت واحد من الناس الي تركوا أثر حلو بحياتك .. بس و هاد المهم .. المهم اني ما كون واحد من الناس الي جرحوك .. أو آذوك .. والأهم انك تعرفي انك انت أحد الناس الي انا بحبهن في الله تلي متل كتار بيحبوك في الله .. الله يوفقك ..

بريتي فلاور .. أول شخصية تعرفت عليها من عالم الانترنت الواسع ...
و بحس عن جد انو الله اكرمني بأنو خلاني اتعرف على انسانة رائعة بكل ما للكلمة من معنى
كل عام و انت بالف خير بريتي ....
اتمنى لك التوفيق في كل خطوة تخطينها .. و كل عمل تقومين به
احبك في الله

___________

اللهم اجعلنى خير ما يظنون، واغفر لى مالا يعلمون و ارحمنى يوم يبعثون