ما هو تقييمك لمستوى الفائدة التي تجنيها من حضور الستاجات الجامعيّة؟

مبروك التقدم الرهيب بوجود الخيار الثالث "الأمر نسبي" ..
من زمان ما شفنا هالخيار باستفتاءات حكيم والله

على كل حال تصويتي واضح و يدعم النسبية
ستاج الجراحة العامة كان ممتاز
ستاج الأذنية صرلنا 3 أيام بدون دكتور ولا طالب دراسات و ممنوع نطلع من القاعة , مبارح عملنا حفلة دبكة بقاعة ستاج الأذنية ..و الله !

كل فائدة تحتاج لطرفين ..
1- هل نريد ان نستفيد
2- هل يريد الاستاذ افادتنا ..ام ياتي للدرس لانه مجبر؟؟؟

على كل حال هناك استاجات ممتازة واخرى من السوء لدرجة مرعبة
وبينها استاجات على الطالب اقصى جهد كي لا يضيع فائدة قد تكون قليلة ..

الأمر نسبي يختلف من ستاج لأخر كما يختلف ضمن الستاج من دكتور لأخر ...

مع إني من يلي صوتو للخيارالتاني بس بتفهم جدا رأي يلي قالو مفيد على الإطلاق لأن دائما الواحد فينو يدور على شي يستفيد منو من حكي الدكتور(طبعا إلا لمن ما بيجي العينتين عالخالص, وهدا قليل ما يصير)
بس ما فهمت شلون ممكن تكون الفائدة معدومة بالمطلق!!!!!
يعني من لمن بلش ستاجاتو لهلأ ما ستفاد ولا بنص ليرة ولا معصب من وضع الكلية يلي بيأسي آم لحشها هيك
يعني يلي حابب قولو إنو الدهب بيستخرجوا من بين التراب والطين....فلا تروحو عليكم

كيف بقدر شوف نتيجة التصويت بدون ما شارك (باعتباري طالبة سنة تالتة وما عندي ستاج )؟

أنا بصراحة صوتت بأن الحضور مفيد في كل الأحوال.. هذا رأيي الشخصي

شكراً ..
لاحظت بعد قيامي بالرد وجود كلمة نتائج بالأعلى
ولكن لا يمكن تعديل الرد

أقترح أن يكون الإستفتاء لتقييم الستاجات :
هل تقدم الستاجات الحد الأدنى من الفائدة السريرية التي تسمح للطبيب ممارسة المهنة بعد التخرج أم لا

لأنه قد يكون هناك فائدة لكنها إما غير كافية أو فائدة نظرية بدل أن تكون عملية باستثناء ستاج الجلدية

I suggest the you tell the dean that for every rotationstudents will fill an evaluation form . Any doctor contniues to be absent or does not score well should be replaced NO MATTER WHAT.

الله يرحم أيام ستاجات الرابعة إدام ستاجات الخامسة! أغلب ستاجات الخامسة في قمة السوء. وعم تصير متلازمة معي إنو لما إجي على الستاج ما بيجي دكتور ولما بغيب بيجي. يمكن لأنو ما بيجتمعوا دكتورين بنفس الغرفة

لهلأ ما في ولا ستاج بالخامسة فشلي خلقي. ستاجات الرابعة أحسن.

صدقت وأنا كمان بغط أسبوع ولما بداوم ما بيجي الدكتور
أو بكون في شي مؤتمر وهيك شغلات .........حظي

بس على الحضور مفيد برأيي يعني أنا حضرت كم يوم استفدت منهم الصراحة

قال يلي ماله حظ لا يتعب ولا يشقى

لما سألنا الدكتورة عن سبب الحالات القليلة يلي عم نشوفها كل يوم , قالتلنا أنو مرضى الجلدية بالذات مالهم حالات مستعجلة لهيك لما يشوفوا أنو الطقس بارد والمطر عم تنزل ببطلوا يجوا عالمشفى ..

وهو بلش المطر من هووون وبلش ستاجنا من هون وبلشت مأساتنا من هووون !!

وأنا كمان ... مع أنو ستاجاتنا كانت كلها باطنة ....

برأيي الستاجات كلها بدون فائدة علمية إطلاقا وإضاعة لوقت الطالب والأهم هي إحباط حقيقي له لأنها بكل بساطة بدون تنظيم وماحدا بدو يعطي المعلومات اللي عندو ( خايف عليها من قلتها)

وبتذكر أنو بأحسن ستاجاتي يا باخد معلومة أو اتنتين وبعد جهد فظيع وملاحقة وإضاعة حوالي ال5 ساعات

طبعا الا إذا زبطتلك شي طالب دراسات يساعدك فهذا كلام مختلف

أنا بعتقد أنو المشكلة الأكبر بالطلاب ....يعني مثلا لو كتير بدهن الطلاب يتعلموا كانوا طلعوا على الأقسام والشعب بالمشفى ولو أنو شافوا واستجوبوا ما حدا رح يوقفهن أو يخانقهن...

وشغلة تانية كتير دكاترة بيشجعوا الطلاب على هالشي....وإذا سألهن حدا بيقلولو الدكتور الفلاني سمحلهن....

أكتر شي استفدتو بستاجات الباطنة (الثلاثي المرح:دم خمجية مفصلية ) اني مع نهايتها بكون خلصت "طج" تواقيع الجراحة ... و هيك بكون عملت دورة ستاجات مكثفة لـ "طج"التواقيع... !( و الله حاسس حالي بشي دائرة حكومية)!

هلأ جد يلي -عندو وقت- و بدو يستفيد بيستفيد (جهد شخصي غالباً للأسف)... و مو ضروري يتقيد بالنظام "الفوضوي" !

طبعا أنا مع فكرة إنو الحضور مفيد في جميع الأحوال لأنو الستاج كيف ما كان إلا ما يخربط الدكتور ويذكرلو شي كلمة مفيدة تنفعنا مهما كانت تكن

بجميع الأحوال الستاجات مفيدة وبكرا بعد التخرج بتترحموا على أيامها وبتتمنوا عودة الزمن للوراء لحضور الستاجات والمحاضرات جميعها لأنها فرصة للتعلم قد لا تتاح لك وأنت تقرأ الطب بشكل نظري في المنزل وكأنك طالب آداب !!!1:cool:

سوري صديقي أنا اتخرجت وسماع هالخبرية

اللي داومتو لا يتعدى الشهر بكل السنة السادسة والصراحة عم أترحم وقول ياريتني موفر هالوقت اللي داومتو ونمت ببيتي لأنو بكون أفيدلي

و الله يا صديقنا Barcelona الستاجات عديمة الفائدة بسبب أسلوب من يعطيها من الدكاترة الأشاوس ...وهذه المقولة انقرضت..و لم يعد يتبناها الا أصحابها من أساتذتنا ...الله يعزهم..شو علّمونا...
و اذا عاد بي الزمن الى الوراء فلن أحضر ..ستاجا أبدا ... بل سأوفر الوقت الغالي ...لأقرأ به مرجعا أو كتابا أو حيلا شي مفيد....بل و انني أصدقك القول بأني خائف من سؤال الله عن اضاعة وقتي... غفر الله لي ولكم ولا حول ولا قوة الا بالله
.

أنا برأيي انو مشكلة الاستاجات هيه أنها نفس محاضرة النظري يعني ما في هالاختلاف العظيم بين محاضرة النظري و الاستاج , يعني لو يكون الاستاج هو عبارة عن جولة بالمشفى على المرضى وعلى غرف العمليات بيكون أحسن بكثير والفائدة بتكون شي رهيب , يعني ليش ما نصير مثل الجامعات الغربية !!! شو ناقصنا !!! ليكونوا معلقين جرس ومالنا عرفانين !!!

حضور الدروس السريرية مفيد على الأقل رياضة صباحية.
لايستطيع أحدأن ينفي وجود الفائدة ولكن هل تتناسب مع الجهدوالوقت المبذول للحصول عليها.

بعضها ربما نجني منه التعب والبعض الآخر قد نجني منه بعض العلم

I dont think that there are any benifits from our rotations
the only advantage that u may meet some friends so u leave early to eat FOOL and have fun

in our rotation we dont follow any patient
and you are not really involved in plan of management

I think that if you want to learn you can go to a private hospital doing daily rotations there
because u may get the chance to have patients for several days and so u will learn about the management and the progression of the case

ستاجاتي في السنة السادسة لحد الان افضل من الرابعة والخامسة

ولكن تبقى المشكلة قائمة نتعلم جزئيات فقط ,,قراءة تخطيط, اسماء ادوية ,علامات سريرية ,.....
لكن متل ما قيل فوق ما في متابعة حالة كاملة .

على كل حال لحد الان الحضور افضل من عدمه خاصة اني اليوم تعلمت تنظير قعر العين

I support and hope the responsible people support.

تعامل مع الستاج باهتمام ستجده مفيدا... هذا مااستنتجه حتى في ستاج الجراحة (الاسوأ بنظر الاغلبية) الذي سيكون مفيدا عندما تهتم به...
طالما أن المرضى موجودون وبامكانك استجوابهم وملفاتهم موجودة فهناك فائدة. بغض النظر ان كان الاساتذة موجودون أو لا....

هذه هي كلية الطب البشري جامعة دمشق باختصار