تغاير لون القزحية

السلام عليكم

ما اسم الدواء الذي يستخدم في تدبير الزرق الأولي مفتوح الزاوية الذي يسبب إذا ما استخدم في عين واحدة تغاير لون القزحية؟

الدواء هو الـ Latanaprost و هو من مضاهئات البروستاغلاندين و اسمه التجاري Xalatan و هو يعتبر الخط العلاجي الأول في معالجة الزرق في بريطانيا

في بريطانيا، عنا بيتسخدموا حاصرات بيتا كخط أول؟

عنا الدكتور الفالح ويلي بالو طويل , بيستعمل بيلوكاربين كخط علاجي اول بالزرق المزمن مفتوح الزاوية.. بعدين اذا ما مشي الحال لمدة اسبوعين او تلاتة -حسب عمر المريض- ممكن نفكر بالحاصرات.. بس اكاديمياً بقولوا الحاصرات هيي الاول.. ويمكن بكتاب العينية على مااذكر قايلين انو البيلوكاربين ماعاد استخدم ..بس عملياً عنا عم يستخدم أول الشي.

بكتاب العينية قايلين رقم 1 حاصرات بيتا تيمولول وتاني شي البيلو كاربين وكتير مارق بأسئلة الدورات

thanx

و الله اذا بدو الواحد يقارن الأكاديمي بالدورات بالسريري, بدو يضيع..لأنو عنّا الأمور غيير.!!
والموضوع مو بس بالعينية.. و اذا منفتح موضوع اختلاف الدكاترة بين بعضها, مامنخلص..
أما بالفحص ..فالمشكلة انو نعرف شو بدو الدكتور. و بتصور انو هالأمور يلي بتختلف بين كل دكتور ومدرسته أو خبرته أو الأمور يلي استجدت بالتشخيص أو المعالجة عن وقت اصدار الكتاب.. بتصور أنو جماعة العينية عنا بالفحص ما يخربطونا فيها كتير, إلا اذا بدهم يعكسوا غير الصورة يلي منعرفها عنهم. ولو اني سمعت من طلاب السنة السادسة انو كان في غلاظات من هالنوع, بس كانت الشغلة بأسئلة قليلة..

آسف لأي اضطراب أو سوء فهم قد حصل و لكن الموضوع باختصار :
لكل مدرسة في الطب منهجية معينة قد تم اتخاذها استناداً EBM معين مع الإشارة إلى أن أي تكنيك علاجي معين له من الإيجابيات و السلبيات ما يكفي لاستخدامه أو عدمه .
و عندما قلت بأن الـLatanaprost هو الخط العلاجي الأول في انكلترا فهو شيء معتمد من قبل نظام الـ NHS الصحي هناك و على الأطباء الالتزام بهذا الـ Order العلاجي طالما أنهم يعملون في المشافي التابعة للـ NHS مع العلم أنه لكل طبيب الحق في استخدام غيره من الأدوية في حال وجد مضاد استطباب معين لاستخدامه أو أن المريض لم يستفدعليه ,
و أما البيلوكاربين فإنه لا يستخدم في انكلترا (في تدبير الزرق مفتوح الزاوية)إلا نادراً جداً .
أما في سورية فلكل طبيب منهجيته الخاصة و مدرسته التي ينتمي إليها لغياب بروتوكول معين واضح يلزم كافة الأطباء و لكن و بشكل عام فإن حاصرات بيتا تأتي في المرتبة الأولى كخط علاجي أول يليها البيلوكاربين .
أما الـLatanaprost فهو لا يستخدم بكثرة نظراً لعدة عوامل أهمها غلاء ثمنه و قلة عدد الشركات الوطنية المصنعة له و عدم وجود الوعي الطبي اللازم من المرضى في سوريا لاستخدامه (عدم تقبل المريض لمشاكله الجماليةكأن تقول لمريضة أن لون عينيك قد يتغير )

مصدر الطب عنا بسوريا خبرة الطبيب المحلية، والأطباء الممارسين المشهورين أغلبهم بيفتحوا الجيبة وبسكروا الكتاب، ما عم إحكي عن أساتذة الجامعة بل عن عموم الأطباء الممارسين.

يلي بيقرو مجلات طبية محترمة جداً قليلين، ويلي بيعرف يستخدمو الكمبيوتر عددهم أقل، ويلي بيعرفو يستخدمو النت أندر من النادر. يعني في طبيب هلأ ممارس من عشرين سنة وعمرو 50 سنة بيكلف نفسو يتواصل شهرياً مع أحدث الأبحاث حول موضوع معين؟ إلا ما رحم بي!

الجيل الجديد بإذن الله أفضل من هيدي الناحية.

بالنسبة لقضية علاج الزرق الأولي مفتوح الزاوية، رابطين مفيدين:

http://clinicalevidence.bmj.com/ceweb/conditions/eyd/0703/0703.jsp

http://clinicalevidence.bmj.com/ceweb/conditions/eyd/0703/0703_I1.jsp