أسئلة امتحانية بالتشريح المرضي , صورة و تشخيص (5)

تكنو بدي قلك شغلة :-
أنا في مقولة بدي حرفها وطبقها ..
إنك تقول ما عرفت أحسن من إنك ما ترد بالمرة
بس بصراحة مو مبين معي شو هي هالصورة ..
يعني هل هي من جدار الشريان ولا طريقة خزعة معينة ولا ..

بس من اللي شايفه :-
البقع البنفسجية الموجودة بتشبه التكلس اللي كنا نشوفه بالمخبر ..
والفراغات البيض بتشبه إبر الكولسترول اللي كنا نشوفها بالمخبر كمان ..

فهلأ دوري اسألك ..
شو رأيك انت عم نخبص ولا قربنا
:cool:

من جهتي بميل أكتر لأنها تكون إبر كلولسترول

فشو الجواب

حياتي يا جماعة :
أولاً شكراً على التفاعل , و تانياً:
سامو , تحليلك مظبوط , الصورة فيها أبر كوليسترول واضحة , بس كل الفكرة كانت بالتكبير القوي عن تكبيرنا بالمخبر واللي زاد وضوح الإبر ..

بالنسبة للتكلس :
سامو , التكلس متل ما منعرف بيكون بالقميص المتوسط بالشريان , و بيتطلب منا أنو نشوف القميص الباطن , والقميص المتوسط و التكلس منتشر فيه , بينما بهي الصورة ما شايفين هيك شي.
على كل حال , بالنسبة للتلوين البنفسجي الغامق , فالمرجع ما ذاكر عنو شي , و بتصور أنو بس زيادة بالأخذ للون لمناطق معينة , مو أكتر.
يعطيك العافية.

كابتن :
مظبوط تماماً , يعطيك العافية كمان.

لاحظوا أنو الصورة مأخوذة من شريان إكليلي يعني إبر الكوليسترول موجودة في شريان إكليلي , و تشير بوضوح إلى وجود فرط كوليسترولية يتظاهر بهذه الإبر.

بالمختصر الجواب كما ذكرتم هو E.

و على كل حال , سأضع الصور التي حصلت عليها من مخبر التشريح المرضي و هي قريبة جداً من صور المرجع , للتذكير فقط , و لمساعدة طلاب السنوات الجاية , مع الانتباه للفرق في التكبير بين الصورتين.

ترقبوا المزيد !

الصورة اللي فوق مااشتغلت مدري ليش !
على كل حال هي نفس الصورة :